როგორ შევარჩიოთ ყავა - გზამკვლევი ესპრესოს, თურქული, მოკასა და ხსნადი ყავისთვის.

ყავა - ეს მხოლოდ სასმელი არ არის. ეს არის მომენტი, რიტუალი, არომატი და ხასიათი, რომელიც განსაზღვრავს ჩვენს დილას და დღეს. სწორი ყავის შერჩევა ნიშნავს, რომ ზუსტად იცი, როგორ გინდა დღის გაგრძელება - მშვიდად, ენერგიულად, ინტენსიურად თუ მსუბუქად.

Dolcevita - გიზიარებს სიღრმისეულ გზამკვლევს, რომელიც დაგეხმარება იპოვო სრულყოფილი ბლენდი შენი მომზადების სტილისთვის.

ესპრესო - იტალიური ხელოვნება ერთ ყლუპში

ესპრესო არის იტალიური ყავის ბირთვი, ენერგიის კონცენტრირებული ფორმა. მის მომზადებას სჭირდება იდეალურად დაბალანსებული დაფქვა (დოლჩევიტა გთავაზობს დაფქვის უფასო სერვისს) - არც ძალიან წვრილი (თურქულის მსგავსად), არც ძალიან მსხვილი (მოკასთვის).

რა უნდა გაითვალისწინო:

• აირჩიე 100% არაბიკის ბლენდი, თუ გინდა დახვეწილი, არომატული და ელეგანტური მჟავიანობა.

• თუ გირჩევნია ინტენსიური სხეული და მუქი, შოკოლადის ტონი - სცადე არაბიკა + რობუსტა ბლენდები.

• მოხალვის დონე უნდა იყოს საშუალო-მუქი, რომ კრემას ჰქონდეს ელვარე ქარვისფერი ფენა.

დოლჩევიტას რჩევა: იდეალურ შემთხვევაში, ყავა დაფქვი მომზადებამდე რამდენიმე წუთით ადრე ან შეინახე დაფქული ყავა ჰერმეტულ მდგომარეობაში. ამ გზით შენარჩუნდება ეთერზეთები, რომლებიც განსაზღვრავენ ნამდვილი იტალიური ესპრესოს გემოსა და არომატს.

---

თურქული ყავა - სურნელოვანი კლასიკა და ინტენსიური განცდა

თურქული ყავა არის კულტურა, რომელიც საუკუნეებს გადაურჩა. მისი მომზადება მოითხოვს ძალიან წვრილად დაფქულ მარცვლებს (დოლჩევიტა გთავაზობს დაფქვის უფასო სერვისს) - პრაქტიკულად პუდრის მსგავსს, რადგან მომზადება ხდება უშუალოდ წყალში ხარშვის გზით. რაც უფრო წვრილია დაფქვა, მით უფრო ღრმად იხსნება ყავის არომატული ზეთები.

რა უნდა იცოდე შერჩევისას:

• აირჩიე ბლენდები მაღალი ხარისხის არაბიკათი - ისინი ქმნიან მდიდარ, მაგრამ ნაზ არომატს.

• თუ გიყვარს უფრო ძლიერი და გრძელი გემო, შეგიძლია აირჩიო დოლჩევიტას არაბიკა-რობუსტას დაბალანსებული მიქსი (GRAN GUSTO 70/30 ან INTENSO 50/50).

• მოხალვის დონე უნდა იყოს მუქი ან საშუალოდ-მუქი, რადგან ეს აძლიერებს ყავის სხეულსა და სურნელს.

---

მოკა - შუალედური სიმშვიდე და ჰარმონია

მოკა-მაკინეტა, საქართველოში, ხშირადაა უგულებელყოფილი, მაგრამ სინამდვილეში ქმნის საოცრად მდიდარ და ჰარმონიულ სასმელს. იგი მოითხოვს საშუალოდ დაფქულ ყავას,(დოლჩევიტა გთავაზობს დაფქვის უფასო სერვისს მოკასთვის) რადგან წყალი მოძრაობს ორთქლის წნევით, მაგრამ უფრო ნაზად, ვიდრე ესპრესოს აპარატში.

მარცვლის შერჩევის პრინციპი:

• საუკეთესოა საშუალოდ მოხალული ბლენდები, რომლებიც ინარჩუნებენ არომატის ბუნებრივ ბალანსს.

• არაბიკა მარცვლები კენიისა და კოლუმბიის რეგიონებიდან აძლევენ ნაზი მჟავიანობას და ყვავილოვან სურნელს, ხოლო ბრაზილიური მარცვლები ამატებენ თხილოვან, კაკაოს ტონებს.

• მნიშვნელოვანია, რომ წყალი არ იყოს ზედმეტად ცხელი - თორემ ყავა ხდება მწარე.

დოლჩევიტას რჩევა: მოკა იდეალურია მათთვის, ვისაც სურს ესპრესოს სიმძაფრე და ფილტრის ყავის სიმყუდროვე ერთ ფინჯანში.

---

ხსნადი ყავა - სისწრაფე ხარისხის დათმობის გარეშე

ხსნადი ყავა შექმნილია იმ დღეებისთვის, როცა დრო შეზღუდულია, მაგრამ გემო მაინც მნიშვნელოვანია. მისი ხარისხი დამოკიდებულია გამოყენებულ მარცვლებზე და წარმოების პროცესზე - Dolcevita INTENSE ხსნადი ყავა გთავაზობს ყავის მკვეთრ არომატს და დაბალანსებულ გემოს.

შერჩევისას გაითვალისწინე:

• არ გამოიყენო გადადუღებული ტემპერატურის წყალი (დაელოდე 30–40 წამი ადუღების შემდეგ).

• სურვილისამებრ დაამატე მცირე რაოდენობის რძე არომატისათვის

დოლჩევიტას რჩევა: ხსნადი ყავა შეგიძლია გამოიყენო დესერტებშიც - მისი გამოყენებით შეგიძლია შექმნა არომატული ტირამისუ ან ყავის კრემი.

დასკვნა - შენი ფინჯანი, შენი არჩევანი

ყავის შერჩევა არ არის მხოლოდ გემოს განსაზღვრა - ეს არის შენი ცხოვრების რიტმის გამოხატულება. DOLCEVITA-ს ასორტიმენტში იპოვი იმ ბლენდებს, რომლებიც შეესაბამება შენს განწყობასა და გემოვნებას: თურქულის სიღრმე, ესპრესოს ელეგანტურობა, მოკას ბალანსი თუ ხსნადი ყავის სიმარტივე - ყველა მათგანი განსხვავებული თუმცა ერთიანი გზაა - ნამდვილი იტალიური ყავა DOLCEVITA-სკენ

Dolcevita Coffee - იტალიური სრულყოფილება თითოეულ ფინჯანში.